Sigurjón í Pétursey hafði samband í dag.

Af austursvæðinu er það hins vegar að frétta að þar eru vegir vel færir.  Engar vegaskemmdir þar. Reyndar hafði Keldudalsáin flætt lítillega yfir veginn - en það var lagað.

Að sögn Elínar hjá Landnotum gengu mælingarnar mjög vel í frábæru haustveðri 25. september síðastliðinn. Hún hafði mælt sér mót við 2 brautarstjóra sem gátu mætt þann dag, þá Kristinn Helgason fyrir Heiðarbraut og Hjalta Elíasson fyrir Hlíðarbraut, Keldudal og Krók).   Mældar voru lóðir við Heiðarbraut, Hlíðarbraut, í Keldudal og lóðin Krókur 11.  Mælt var í tæpar 9 klst samfellt, fram í myrkur  

Ef hægt verður að ná brautarstjórum við Hólsbraut og Gilbraut austur sama dag verður hægt að klára það sem eftir er á einum degi… ef veður verður jafn hagstætt og þennen dag.

Það mun ekki verða unnið úr mælingunum fyrr en stafræni kortagrunnurinn er kominn en hér að neðan er skjámynd sem sýnir stöðu punktanna.

Hægt að smella á myndina til að fá hana stóra.

Við GPS mælingarnar í vikunni var hægt að meta færð á vegarslóðum á Fellsmörkinni. Slóðarnir eru ekki með öllu ófærir en svo höfð séu eftir orð Kristins Helgasonar um færðina á vestur svæðinu þá:

Myndir Kristins hér að neðan tala sínu máli.  Eitthvað sést eftir af slóðanum en annars staðar er hann farinn veg allrar veraldar.  Og eins og sjá má þá er þarna ræsi eitthvað að dóla sér í tómu aðgerðaleysi!

Það flæðir yfir veginn á einhverjum köflum.

Ræsið sem skolast hefur burt frá sínum vinnustað.

Fyrsti dagur í GPS
mælingu gekk vel!

GPS mæling gærdagsins gekk vel.  Hjalti Elíasson og Kristinn Helgason fóru um svæðið með Elínu frá Landnotum.  Svo haft sé eftir hjalta þá:

"Búið að mæla Hlíðarbraut(alla),Keldudal, Sigurgeir lækni, og gert klárt til mælingar í Krók og Dalbraut.

Einnig kláraði Elín að mæla Heiðarbraut. Allt gekk vel.

Fallegt veður og hiti."

Þeir Kristinn og Hjalti fóru um svæðið með Elínu og gengu mælingarnar mjög vel. Var augljóst að hér var verið að vanda til verks sem lengi hefur verið beðið eftir.

Elín við mælingar á Fellsmörk 25. september 2007

Kvöldið fyrir mælingarnar var bjart veður og tók Kristinn þessa skemmtilegu mynd hér af tunglinu yfir Pétursey.

Nokkrar myndir frá síðasta sumri hafa verið settar á vefinn. Þessar myndir eru frá umsjónarmanni vefsins, Einari Ragnari.  Aðrir landnemar sem lúra á skemmtilegum myndum mega gjarnan koma þeim á framfæri og senda á netfangið eragnar@skyrr.is.

Sjá myndir á myndasíðu
Ath að þetta eru margar myndir og getur tekið smá tíma að fá þær allar til að birast

Vegurinn að vestursvæðinu í Fellsmörk er enn með öllu ófær.  Búist er við að viðgerðir hefjist næsta fimmtudag (27. september).  Vegurinn á austursvæðinu þarfnast einnig lagfæringa en telst ekki ófær. Til greina kemur þar að taka niður girðinguna á aurunum og ýta upp varanlegri vegslóð núna í haust.

Veðurspá var hagstæð fyrir daginn í dag á Fellsmörk og var fyrirhugað að hefja GPS mælingar á landnemaspildum. Er óskandi að mælingar gangi vel fyrir sig þó ástand veganna sé dapurt um þessar mundir. Nánari upplýsingar um framgang mælinganna verða settar á vefinn fljótlega. 

Fyrsti stjórnarfundur vetrarins var haldinn í gær, 20. september.  Fundargerð er aðgengileg á vefnum.

Fundargerð stjórnarfundar 20. september 2007

Vegurinn á vestursvæðinu er ófær vegna vatnavaxta. Holtsáin hefur grafið frá brúarstöplum - að hluta til - er þó bílfært með varkárni. Jeppafært er á austursvæðinu.

Sigurjón í Pétursey vinnur að viðgerð (13. september 2007).

Í sumar hefur verið hópur af kindum hímandi utan girðingar við brúna yfir Klifanda og hefur sést til nokkurra kinda sem voru komnar yfir girðinguna.  Girðingin virðist ekki vera fullkomlega fjárheld og eflaust hefur eitthvað af fénu leitað þar upp í Fellsmörkina.

Þá eru fregnir af fé sem var komið ofarlega í Heiðarbraut og hefur því verið stuggað burt upp til heiða.  Einnig hafa landnemar verið í smalamennsku í Keldudalsheiðinni og í brekkubrún fyrir ofan Krók.

Unnið er að lagfæringum á girðingum en landnemar sem hafa orðið varir við fé eða vita hvaðan féð er upprunnið mætti gjarnan láta fulltrúa sinnar brautar í stjórn vita.

Veðrið lék við landnema á Fellsmörk þegar sameiginlegur gróðursetningardagur var á Jónsmessunni, 24. júní síðastliðinn.  Gróðursett var utan í Fellinu eins og undanfarin ár og tókst að vanda vel til.  Að loknu vel heppnuðu dagsverki var efnt til sameiginlegrar grillveislu í Dönskutó, bústað Hjalta og Júlíu í Króki.

Hannes Siggason formaður Fellsmerkur myndaði daginn og eru myndirnar aðgengilegar hér.

Hannes Siggason, formaður
Auðunn Oddsson, Keldudal
Einar Kristjánsson, Gilbraut
Einar Ragnar Sigurðsson, Hlíðarbraut
Hjalti Elíasson, Króki
Kjartan J. Kárason, Hólsbraut
Sigrún María Kristinsdóttir, Heiðarbraut

 Meiri upplýsingar um aðalfundinn og m.a. ályktun hans eru væntanlegar.

Bréf um sameignlegan gróðursetningardag (PDF)

Sjá nánar í fundarboði (PDF)

Vegir á austursvæðinu voru lagaðir á laugardag 31. mars en fóru aftur daginn eftir sbr. myndir hér að neðan.  Sigurjón í Pétursey mun hins vegar þegar eitthvað sjatnar, fara inneftir og laga vegina til bráðabirgða fyrir páskaumferðina.  Það má því gera ráð fyrir að fært verði yfir páskana á meðan ekki vex aftur í ánum.

1. apríl 2007
Vatnavextir eina ferðina enn!

Snjó hefur nú tekið að mestu upp með einhverjum vatnavöxtum eins og við var að búast.  Sveinn Björnsson var á ferð í Fellsmörk og tók myndir af vatnavöxtum fyrir neðan Keldudal í dag 1. apríl.  Ljóst er að vegir hafa skemmst og þarf að huga að viðgerðum eins og mögulegt er fyrir páska.

Sjá stærri myndir á myndasíðu

Laugardaginn 17. mars kyngdi niður snjó í Fellsmörk og urðu allir slóðar ófærir.  Fært var á vel búnum jeppum veginn inn að Álftagróf.  Landnemar sem keyrt höfðu áfram inn slóðana fyrr um helgina lentu í vandræðum með að komast til baka á sunnudeginum þegar myndin að ofan var tekin.

Sjá fleiri myndir á myndasíðu

Panorama mynd í fullri stærð

Hannes Siggason hefur tekið saman upplýsingar um hvar hverju var plantað síðastliðið sumar eins og endranær.  Sameiginleg gróðursetning var eins og á síðasta ári í austurhlíðum Fellsins og var þar plantað alls 2.680 plöntum.   Af einstökum brautum var mest plantað í Króki, alls 2.295 plöntur.  Á svæðinu var alls plantað rúmlega 10 þúsund plöntum  í Landgræðsluskógaverkefninu.

Eins og undanfarin ár var mest plantað af birki eða tæp 80% af fjölda plantna.

Sjá nánar á Landgræðsluskógasíðu Fellsmerkur

Hjalti og Júlía voru fyrir austan um síðustu helgi (3. og 4. febrúar) og var fært öllum bílum inneftir í Krók. Lítið var í ánum svo þær voru víðs fjarri. 

Eftirlegu rollur fundust inni á heiði.

Eigandinn í Álftagróf kominn á nýjan traktor og var að fara um svæðið.

Fleiri myndir eru á myndasíðu.

Moldarflög geta tekið á sig undarlegar myndir.  Þessi mynd sem var tekin í Gilbraut fyrir nokkrum árum komst núna loksins á tölvutækt form.  En eitt kvöld þegar Áslaug B. Ólafsdóttir og Halldór Vilhelmsson voru í Fellsmörk þá blasti þessi undarlega myndun við þeim andspænis Gilbrautinni.  Engu líkara en er að þarna birtist einhvers konar mannsmynd eða helgimynd í moldarflaginu!  Daginn eftir var þar ekkert óvenjulegt að sjá.