Fellsmörk

Fréttir árið 2003

4. október 2003
Fornminjar Fellsmörk

Tryggvi Þórðarson landnemi í Krók uppgötvaði fornar rústir vorið 2003 sem má sjá á meðfylgjandi myndum en Tryggvi hefur fengið staðfest frá fornminjafræðingum, m.a. frá Fornminjavernd ríkisins, að sé mjög gamlar, hugsanlega frá fyrstu byggð á landinu.

Þarna eru a.m.k. 2 langskálar (annar með úthýsi en hinn ekki) og tvö nokkurn veginn hringlaga hús auk garða í nánd og verið gæti að þarna leyndust fleiri byggingar. Væntanlega verður þetta kannað betur næsta

22. september 2003
Vatnavextir í september 2003

Um miðjan september flæddi Hafursáin út yfir bakka sína og flæddi yfir veginn sem liggur inn í Krók. Vegarstæðið varð eiginlega úti í miðri ánni sem og þá kolófært jafnvel fyrir stærri jeppa.

Áin hopaði á næstu dögum en hafði þá sópað öllum vegunum í burtu.

Skógræktarfélag Reykjavíkur gekk í málið og í lok september var búið að lagfæra veginn. Hann var hækkaður aðeins upp og heldur því vonandi þó það gerir einhverjar frekari haustrigningar.

Myndir af uppákomunni eru hér

7. mars 2003
Vegaskemmdir í vetur

Í miklum haustrigningum haustið 2002 urðu umtalsverðar vegaskemmdir. Á austursvæðinu rann læna úr Hafursánni yfir veginn sem liggur inn með Hlíðarbrautinni og áfram inn í Krók, þannig að hann var ekki fólksbílafær um dálítinn tíma. Gert var við þann hluta vegarins þannig að hægt var að komast hann á venjulegum fólksbíl. Ekki er vitað til þess að varnargarðurinn á austursvæðinu sem er í umsjón Landgræðslunnar hafi skemmst.

Að vestan hafa orðið mun alvarlegri skemmdir og eru meðfylgjandi myndir þaðan teknar í janúar 2003. Þar flæðir lækur yfir veg þannig að hann er ekki fólksbílafær og einnig hefur kvarnast verulega úr varnargarðinum. Þarf að leggja áherslu á að laga þann varnargarð því eins og hann er núna þá er hann slysagildra og breiðir bílar komast ekki um hann. Þessi varnargarður er í eigu og umsjón Vegagerðarinnar.