Fellsmörk - myndasíður

Svipmyndir frá Fellsmörk 20 desember 2009

Myndir teknar á Fellsmörk 20. desember 2009

Mikið hefur gengið á í vatnagangi á Fellsmörk á haustmánuðum 2009. Einar Ragnar tók þessar myndir því sem næst um vetrarsólstöður.

Tvennt breytist ógjörla í Fellsmörk. Að sunnan og vestan er það Pétursey sem stendur fyrir sínu en að austan er það Búrfell sem vakir yfir og sést hér með skuyggamyndir sínar.

Snemma á flóðatímanum haustið 2009 skemmdist varnargarðurinn við Krók. Ekki var ráðist í viðgerð strax og því fór sem fór. Varnargarðurinn hélt áfram að skemmast og allir slóðar urðu ánni að bráð.

Stórgrýtið í varnargarðinum þar sem hann fór í sundur. Þetta er heili endinn á garðinum. Næsta mynd sýnir hvernig garðurinn lítur út hinum megin.

Hafursá rennur í gegnum varnargarðinn.

Leifarnar af girðingunni fyrir neðan Hlíðarbraut

Fyrir neðan Hlíðarbraut. Gamalt ræsi sem Hafursá hefur lagt snyrtilega frá sér - eða verið fært í öruggt skjól af Sigurjóni í Pétursey. Vegslóðin var áður þar sem áin rennur nú og situr sem fastast.

Neðst í Hlíðarbraut. Hafursáin brýtur niður land sem landnemar hafa plantað trjám í á upphafsárum Fellsmerkur.

Í kvæðinu sagði að nú væri Snorrabúð stekkur. Við skulum vona að það megi ekki heimfæra það upp á Fellsmörk en víst er að staðan er ekki góð og skiltið við Keldudal er nú fallið.

Það rýkur úr Hafursánni í rokinu

Sandarnir á áreyrum Hafursár fjúka upp í hvassviðrinu.

Frostþurrkuð hvönnin brosir á móti miðvetrarsólinni.

Fyrir einhverju síðan hefur einhver orðið innlyksa

Akstursslóðin misheppnaða í Hlíðarbrautinni. Það sem er sorglegast við hana er að slóðin ber það með sér að einhver hefur orðið innlyksa og ekki komst hefðbundna leið um farveg Hafursár til baka. Hefur þá verið brugðið á það ráð að finna aðra færa leið og það gert akandi. Þessi slóð liggur sem sagt í gegnum lóðir landnema í Hlíðarbraut og að ófærum skurðum. Ekki er hægt að sjá annað en að viðkomandi hafi svo keyrt sömu leið til baka.

Einmanna birkihrísla

Fyrir austan Fellið er staðan áþekk. Vatn flæddi yfir en þó var ekki umtalsvert vatn úr Klifandi í vegarstæðinu. Ljóst er samt að vegarstæðið er nær alveg farið.

En eins og í upphafi sagði, þá er Pétursey enn traust sem klettur og haggast hvergi þrátt fyrir ágang vatnanna.

______________________
Ljósm. Einar Ragnar Sigurðsson