Fellsmörk - myndasíður

Myndir úr könnunarferð formanns og framkvæmdastjóra Skógræktarfélags Reykjavíkur á Fellsmörk 12. mars 2010

Þröstur Ólafsson formaður Skógræktarfélags Reykjavíkur og Helgi Gíslason framkvæmdastjóri félagsins könnuðu aðstæður á Fellsmörk föstudaginn 12. mars. Nutu þeir leiðsagnar Hjalta Elíassonar og Sigurjóns Eyjólfssonar frá Pétursey. Hjalti sendi frá sér upplýsingar um ástand svæðisins:

"Farið í könnunar og kynningarleiðangur austur í Fellsmörk á föstudag. Lítið var í ám ,en þó mátti sjá að eitthvað hefur gengið á . Hafursá og Lambá búnar að hreiðra vel um sig upp undir bakkanum og búnar að grafa sig vel niður. Vegir ófærir nema á stórum og góðum jeppum ( ég hefði ekki treyst mér á mínum pick up.) inn í Krók og Hlíðarbraut. Hægt að fara slóðann upp í Keldudal.

Á vestur svæðinu eru engir vegir eða slóðar, mátti þó sjá móta fyrir þeim á stöku stað , en ekki fært þarna um nema á góðum 4 X 4 drifnum bílum. Erfitt að komast upp í Gilbrautina ,kominn bakki þar. Hólsbrautin sæmilega fær þegar komið var upp í hana sjálfa. Heiðarbrautin líka ágæt eftir að komið var inn undir brekkuna sjálfa.

þarf ekki að taka það fram að veðrið var líkt og dásemdin ein , sól og blíða."

Vegarstæðið fyrir neðan Keldudal skoðað. Ófært er þar upp en hægt er að fara hina leiðina upp í Keldudalinn.

Ekið upp Hafursána. Líklega á vegarslóðinn nokkurn veginn að vera þar sem ekið er.

Hér sést vel hvernig Hafursá rennur í gegnum hindrunarlaust í gegnum skarðið í varnargarðinum við Krók

Á bökkum Hafursár

Á áreyrum Klifandi

Bakki hafði myndast neðst í Gilbrautinni sem þurfti að laga til að hægt væri að komast upp brautina á jeppa.

Séð í áttina að Heiðarbraut. Vatnasvæði Klifandi þó áin hafi fært sig aftur í burtu. Lítið sem ekkert eftir af vegarslóðunum. Það sést aðeins í Einbúann lengst til vinstri á myndinni

En hvernig sem allt rennur þá er þó Pétursey á sínum stað!

______________________
Ljósm. Hjalti Elíasson