Fellsmörk - myndasíður

Skordýralífið á Fellsmörk

Á Fellsmörk er heilt vistkerfi þar sem allt byggir hvað á öðru.
Gróðurinn vex og dafnar og það gera líka skordýrin sem nærast á gróðrinum og fuglarnir sem nærast svo á skordýrunum.
Hér er linsunni beint að skordýrunum.
Allt myndir teknar í júlí 2012.

Fyrst eru það tvær flugur sem eru að gæða sér hvor á sinni sóleynni. Ekki er maður mikill skordýrasérfræðingur en augljóst að hér eru ólíkar flugur á ferð. Sú seinni frekar venjulegri en sú fyrri!

SVo eru það flugur sem enduðuðu stutta lífdaga sína fastar á þessum laufblöðum. Ekki alveg ljóst hvað veldur en flugurnar eiga það til að festast á laufblöðum eins og þessar að hér að neðan sem hanga þar kyrfilega fastar!

Hér er snigill liggjandi á laufblaði einhverrar jurtar í mýrlendi.

Hér er skordýr hvergi sjáanlegt en litlir brúnir blettir gætu helst verið ummerki um eitthvert skordýrlíf sem hrjáir reyniviðinn sem á þessi laufblöð.

Og loks er það líklega best þekkti vágestur Fellsmerkurinnar, yglan. Hún var komin óvenjusnemma sumarið 2012. Rekur ljósmyndarann ekki minni til að hafa séð yglur í júlímánuði fyrr!
En þarna sjást hálfétin laufblöð og líka dökkbrúnir kögglar sem er úrgangurinn úr yglunni. Hún étur laufið, nær úr því næringunni og skilar frá sér þessum úrgangskögglum. Svo breytist hún í grábrúnt fiðrildi.

______________________
Ljósm. Einar Ragnar Sigurðsson