Fellsmörk - myndasíður

Skordýrafána Fellsmerkur sumarið 2013

Skordýralíf er mikilvægt fyrir allt lífríki jarðarinnar og það er hellingur af því á Fellsmörk. Þessar myndir voru teknar um mánaðamótin júní - júlí 2013 og sýna flugur, fiðrildi og könguló við Hlíðarbraut og einnig uppi á Keldudalsheiði.
Það tókst nokkurn veginn að greina fiðrildin og köngulóna skv. vef Náttúrufræðistofnunar Íslands en erfiðar gekk með flugurnar.

Pöddur almennt á vef Náttúrufræðistofnunar

Flugurnar - tvívængjur - en þó gæti þetta verið eitthvað allt annað en tvívængjur

Fiðrildin

Köngulærnar

Sería náðist af flugu að hoppa á milli blómhnapa. Það sem er dálítið skemmtilegt að sjá er að flugan er ekki að nota vængina, heldur fetar hún sig þarna áfram.

Fluga að skondrast milli blómhnappa.

Fluga bergir á hunangsbirgðum líklega sóleyjar.

Hér hefur hamagangurinn hjá flugunum orðið all töluverður þegar þær eru að gæða sér á hunangi blágresisins þar sem þær eru bókstaflega komnar á kaf í blómið!

Sumar flugur sækja í hvönnina. Hér eru flugur á æthvönn í gili inn af Króki.

Eins og sjá má þá er hvönnin frekar þétt setin.

Flugan er ekki greind til tegundar hér en einhver fluguglögg(ur) gæti eflaust greint þessa flugu rétt.

Suðandi hungangsfluga, sem líklegast myndi kallast Humlusveifa - Eristalis intricaria.

Fiðrildi á birkilaufi. Er að minnsta kosti mjög líkt birkifeta - Rheumaptera hastata, skv. pödduvef Náttúrufræðistofnunar.

Birkifetinn líklega flögrar um.

Svo blómstraði ástarlífið líka þegar fiðrildi voru í ástaratlotum í góðan tíma á dyrastaf einn daginn! Þessi fiðrildi eru líklegast Möðrufetar - Epirrhoe alternata.

Hér eru saman nokkur fiðrildi og flugur. Giskað er á að fiðrildið sé Mófeti - Eupithecia satyrata, sbr. þessa mynd hér. Ekki er reynt að greina flugurnar.

Þetta fiðrildi fannst á klettavegg uppi á Keldudalsheiði. Erfitt að greina en af þeim fiðrildum sem eru á vef Nátturfræðistofnunar þá er líklegast að þetta sé Lyngfeti - Eupithecia nanata.

Ekki alveg auðvelt að greina en ygla og þá má giska á að þetta sé einn af óvinum landnema í Fellsmörk, ertuyglan - Melanchra pisi sem étur laufblöð í massavís á lirfustigi á meðan hún er röndótt.

Eruyglan aftur.

Og loks er það könguló sem hafði spunnið sér vef á húsvegg. Eftir skoðun á vef Náttúrufræðistofnunar er talið líklegast að þetta sé Krosskönguló - Araneus diadematus.
Seinna um sumarið komu köngulær úr hreiðri, líklega sama tegund en þessar köngulær kunna vel við sig utan á húsvegg.

______________________

Ljósm. Einar Ragnar Sigurðsson