Fellsmörk - myndasíður

Myndir frá Fellsmörk 19. júní 2010

Hjalti og Júlía voru í Fellsmörk helgina sem sameiginlega gróðursetningin hefði verið ef hún hefði ekki verið slegin af. Þau voru hlúa að gróðri og pota niður plöntum eins og hægt er við þessar aðstæður eru á Fellsmörk. Eins og ástand er núna á austursvæðinu urðum við að bera allt vatn,vistir,áburð og plöntur inneftir.

Staðfestingfékkst á því að sú ákvörðun um að blása "gróðursetningardaginn" af var rétt, því að á laugardaginn, fyrirhugaðan gróðursetningardag, brast á með foráttu öskubyl svo varla sást út úr augum og öll vit fylltust af ösku. Hefði því verið óskemmtilegt að vera búin að stefna fjölda manns á staðinn.

Í Króki. Séð til Búrfells í gegnum öskubylinn.

Fjallhlíðar eru víða grábrúnar þar sem gróður hefur ekki náð uppúr öskunni.

Askan rýkur upp fyrir ofan Álftagróf.

Öskubylurinn á áreyrum Hafursár.

Búrfellið rís upp úr öskubylnum.

Hjalti í þungum þönkum yfir ástandinu í Fellsmörk.

Sér til öskubylja í fjallendi.

Aðdrættir eru ekki auðveldir fyrir landnema Fellsmerkur í Króki þar sem bera þarf vistir og allt annað um langan veg. Hafursáin er kolófær og líklega um tveggja metra djúp í álunum.

______________________
Ljósm. Hjalti og Júlía