Göngutúr um páska 2009

Séð yfir Krók þegar komið er upp á brúnir beint fyrir ofan Hlíðarbraut í Fellsmörk

Séð til Búrfells yfir Hlíðarbraut

Séð yfir Keldudal og Álftagróf til Péturseyjar.  Glyttir í Fellsfjall til hægri.

Panorama mynd sem sýnir Krók og Hlíðarbtraut. Hægt er að smella á myndina til að fá hana stóra.

Gengið var meðfram girðingum sem liggja inn á heiðarnar.  Ástand þeirra á þessum slóðum var að mestu leyti ágætt en einn og einn staur var þó á hliðinni.  Þar sem engin keðja er sterkari en hennar veikasti hlekkur þá er ljóst að það þarf að laga girðingarnar áður en fé fer á fjall.

Panorama mynd sem sýnir útsýnið til baka Hægt er að smella á myndina til að fá hana stóra.

Snjóalaust var orðið að mestu í byggð en í um 400 metra hæð voru skaflar í fjallshlíðum.

Einn hóll er merktur á kort og kallast Valaþúfa.  Framundan á næstu mynd er einhver hóll og uppi á honum er þúfa.  Hvort það er þessi Valaþúfa er ekki alveg ljóst, einkum þar sem Valaþúfa er merkt annars staðar á kort.  En það hefur komið fyrir að kort hafi verið röng og/eða ónákvæm og kannski er það þannig hér.

Hóll sem gæti verið Valaþúfa í sjónmáli

Hvort sem þetta er Valaþúfa eða ekki þá er þetta kjörinn útsýnisstaður og upplagður áivangur.

Komið upp á hólinn þar sem þúfan er

Séð inn til jökiuls ofan af þúfunni sem gæti verið Valaþúfa.

Panorama mynd sem sýnir útsýnið inn að jöklunum.  Jökullinn vinstra megin er Eyjafjallajökull en jökullinn nær er Mýrdalsjökull. Hægt er að smella á myndina til að fá hana stóra.

Áfram var haldið göngunni og líklega í 700 metra hæð var orðinn töluverður snjór.  Innarlega í gilinu þar sem Lambá hefur upptök sín er líklega nokkuð greið uppgönguleið úr gilinu eða niðurgönguleið eins og hefði verið hægt að nýta sér í þessum göngutúr.  Það er hins vegar ekki alveg vitað hvort hægt sé að komast svona innarlega í gilinu.  Enda var hér hugmyndin að fara vestur að Holtsgili á bakaleiðinni.

Innarlega á vesturbarmi gilsins þar sem Lambá hefur upptök sín í Mýrdalsjökli

Gengið alla leið inn að jökli.

Jaðar Mýrdalsjökuls

Séð niður til láglendis af efstu brúnum í útjaðri Mýrdalsjökuls.

Á bakaleiðinni var gengið vestar og farið vestur að Holtsgili.  Ummerki jökla fyrri alda eða árþúsunda eru þarna ef að er gáð eins og sést á næstu mynd.  Þar eru greinilegar jökulrispur með stefnu til sjávar og jökullinn hefur skilið eftir sig eitt myndarlegt grettistak.

Jökulrispur og Grettistak í námunda við Holtsgil

Holtsgil

Holtsgil hamlar víða för og að minnsta kosti er örðugt að komast yfir það.  Vegna gilja út um allt á bakaleið var endað á svipuðum slóðum og lagt var af stað með upphaflega.

Að nálgast Fellsmörk.  Búrfell í sjónmáli.

Gangan tók líklega um 8 klst alls. 
Fínn göngutúr upp að Mýrdalsjökli.

______________________
Ljósm. Einar Ragnar Sigurðsson