|
TIL BAKA
----------------------
SÉRSTAKT EFNI
Erindi Valdimars af
aðalfundi 2012: Umhirða trjágróðurs
Fuglalíf á Fellsmörk
Panoramamyndir
----------------------
FLÝTILEIÐIR
Félagatal
Fundargerðir
Vegir og slóðar
Lönd á
Fellsmörk (GPS) |
|
|
Almennur félagsfundur í Félagi landnema í Fellsmörk haldinn
25.11.2004
(Fundur stjórnar, haldinn í sal frímerkjasafnara )
Mættir: Auðunn Oddsson, Einar Kristjánsson, Einar Ragnar Sigurðsson,
Hjalti Elíasson, Kjartan J.
Kárason, Magnús Jóhannesson og Sveinn Björnsson.
Fjarverandi stjórnarmenn: Enginn
Helstu atriði úr fundargerð:
Tvö mál lágu fyrir fundinum (sjá liði 1 og 2 hér fyrir neðan) og komu
þau fram í fundarboði. Þriðja málið var kynnt á fundinum (sjá lið 3):
-
Sala á hluta úr landi Álftagrófar:
Einar Ragnar Sigurðsson og Magnús Jóhannesson röktu forsögu málsins,
nýlegar bréfaskriftir og niðurstöður funda stjórnarmanna með
landbúnaðarráðherra og Skógræktarfélagi Reykjavíkur undanfarið. Síðan
voru þeir þrír kostir, sem fram komu í fundarboðinu, skýrðir nánar og
ræddir (sjá neðanmáls). Kostirnir voru síðan bornir undir atkvæði fundarmanna og
samþykktu þeir einróma eftirfarandi niðurstöðu með handaruppréttingu:
Fundurinn leggur til að stjórn Félags landnema á Fellsmörk gangi til
viðræðna við Skógræktarfélag Reykjavíkur á grundvelli þess að af sölu 50
ha. reits úr landi Álftagrófar verði með kvöðum og breyttu
rekstrarfyrirkomulagi á Fellsmörk. Landið verði ekki auglýst til sölu
fyrr en gengið hefur verið frá samkomulagi landnemafélagsins og
skógræktarfélagsins um þetta fyrirkomulag. -
Stærð landnemareita:
Einar Ragnar Sigurðsson rifjaði upp þá þrjá kosti varðandi stærð
landnemareita sem kynntir voru á aðalfundi félagsins í sumar. Fram kom
að fulltrúar skógræktarfélagsins hafi í viðræðum við stjórnarmenn
landnemafélagsins undanfarið lagt áherslu á að landnemar hafi sem mest
um það að segja sjálfir hvernig stærð reitanna verður háttað. Kostirnir
voru síðan bornir undir atkvæði fundarmanna og samþykktu þeir einróma að
skilgreindir verði og mældir 10.000 fm. byggingareitir landnema, þar sem
hægt er að koma því við, og þeim þinglýst þannig. Í þeim tilvikum þar
sem ekki reynist mögulegt að hafa reitina svo stóra verður reynt að
finna ásættanlega lausn.
-
Breytt skipulag á Fellsmörk:
Fram kom á fundinum að erindi hefur borist frá sveitarstjórninni í Vík
þess efnis að hún vilji breyta skipulagi á Fellsmörk á þann hátt að
landnemar geti fengið leyfi fyrir aukahúsi á lóðum sínum. Þetta erindi
hefur verið samþykkt fyrir hönd stjórnar félagsins. Með þessari
breytingu geta landnemar sótt um fullnaðarleyfi fyrir aukahúsi til
byggingafulltrúa sveitarfélagsins. Þeir sem hafa reist lítil hús eða
vinnuskúra á lóðum sínum munu sömuleiðis geta sótt um fullnaðarleyfi
fyrir þeim sem aukahúsum.
-------------------------------
Valkostirnir þrír
sem voru teknir fyrir á fundinum:
a) Samþykkja að af sölunni verði með kvöðum og
breyttu rekstrarfyrirkomulagi
b) Ganga inn í samkomulag SR og ráðuneytisins
um afborganir af veðskuldum og kom þannig í veg fyrir söluna.
c) Hafna söluferlinu alfarið og krefjast þess
að farið verði að upphaflegum samningum sem miðast við að Fellsmörk nái
yfir jarðirnar Fell og Álftagróf með Keldudal.
|
|
|
|
|
|
|
