----------------------
SÉRSTAKT EFNI
Erindi Valdimars af aðalfundi 2012: Umhirða trjágróðurs
----------------------
FLÝTILEIÐIR
Stjórnarfundur í Félagi landnema í Fellsmörk haldinn 5.11.2002
(annar fundur stjórnar veturinn 2002/2003, haldinn hjá Magnúsi).
Mættir: Áslaug B. Ólafsdóttir, Einar Ragnar Sigurðsson, Elsa G. Vilmundardóttir, Magnús Jóhannesson, Kjartan Kárason og Sveinn Björnsson.
Gestur fundarins var Vignir Sigurðsson framkvæmdastjóri Skógræktarfélags Reykjavíkur.
Helstu atriði úr fundargerð:
Vignir fór yfir stöðu mála í Fellsmörk. Í máli hans kom m.a. fram að Þórarinn bóndi í Álftagróf er á förum þaðan og óvíst hvert framhald verður á búsetu. Jörðin hefur verið skráð á nauðungaruppboð og hefur Skógræktarfélagið fengið tvo lögfræðinga til liðs við sig í því máli. Hafa fulltrúar félagsins átt fundi með ráðuneytinu um framvinduna og er fundur fyrirhugaður aftur í næstu viku. Sagði Vignir að Skógræktarfélagið tæki mjög ákveðið á þessu máli með bæði hagsmuni félagsins og landnema í huga. Mun stjórn landnemafélagsins fylgjast með framvindunni næstu vikurnar og verður Einar í sambandi við Vigni út af þessu máli.
Vignir sagði að mælingum á reitum í Fellsmörk væri lokið og ætlar hann að senda stjórn landnemafélagsins mælipunktana. Aðspurður um endurskoðun útreikninga á leigugjöldum reitanna og færslu þeirra til samræmis við stærð reitanna sagði Vignir þetta væri hugmynd sem þyrfti að ræða betur við stjórn landnemafélagsins síðar. Ekkert væri búið að ákveða í þessu máli.
Vignir sagði að því miður hefði lítið miðað við þau viðhalds- og endurbótaverk sem sett hefðu verið á dagskrá s.l. sumar, þrátt fyrir góðan vilja Skógræktarfélagsins. Ekki eru horfur á að ráðist verði í frekari aðgerðir þar fyrr en uppboðsmálið er til lykta leitt. Þó hefur Þórarinn í Álftagróf verið beðinn að lagfæra veginn austast á svæðinu eftir flóðin í haust.
